ФЗЦ 11 Октомври а.д. од Куманово е голема компанија со релативно мал домашен пазар, поради што е извозно ориентирана и ги следи побарувањата на националните пазари во Регионот и Западна Европа, а повремено е присутна и на останатите пазари во Светот. Оваа околност беше предуслов за перманентно проширување на асортиманот и подобрување на квалитетот на своите производи со усвојување на повисоки критериуми за изработка и испорака према најстрогите барања на водечките светски стандарди .
Фабриката располага со многу широк асортиман на производи од областа на заварени челични цевки и профили кои наоѓаат примена во повеќе сегменти од стопанството, како елементи за цевководи и челични конструкции во градежништво, индустријата, сообраќај, рударство, земјоделието, и други стопански гранки.
ФЗЦ 11 Октомври а.д. нуди широк асортиман од електро заварени челични цевки со кружен пресек – надворешен дијаметар од 8мм до 1620мм како:
- спроводни цевки (за гас и вода)
- цевки за конструкции (ладно формирани и топло третирани)
- комерцијални цевки (инсталациски цевки за гасни и течни флуиди, цевки за конструкции и прецизни цевки)
ФЗЦ 11 Октомври а.д. исто така нуди електро заварени челични цевки со квадратен и правоаголен попречен пресек од 10х10мм до 400х400мм, односно од 30х10мм до 500х300мм:
- ладно формирани
- топло преобликувани
Фабриката произведува и повеќе видови други производи:
- отворени профили од тип: L , U , C , Z, Omega и специјални
- ZP профили
- Поцинкувана челична лента,
- Поцинкувани челични спојници,
- Патобрани и
- Цевни елементи за соединување.
ФЗЦ 11Октомври а.д посветува големо внимание на анти корозивна заштита од внатрешна и надворешна страна за спроводни цевки, инсталирани во разни средини, спрема нивната намена:
- Надворешна и внатрешна цинкова облога за цевки од 21,3мм(1/2”) до88,9мм (3”).
- Надворешна двослојна полиетиленска за цевки од 88,9мм(3”) до 813мм(32”).
- Надворешна трослојна полиетиленска за цевки од 88,9мм(3”) до 813мм(32”).
- Надворешна трослојна полипропиленска облога за цевки од 88,9мм(3”) до 813мм(32”).
- Надворешна епоксидна облога (FBE) за цевки од 88,9мм(3”) до 813мм(32”).
- Надворешна битуменска облога за цевки од 88,9мм(3”) до 1620мм(64”).
- Внатрешна облога од цементен малтер за цевки од 159,0мм(6 1/4”) до 610мм (24”).
- Внатрешна епоксидна облога за цевки од159,0мм( 6 1/4”) до 813мм (32”).
- Внатрешна битуменска облога за цевки од 88,9мм( 3”) до 1620мм (64”).
- Привремена заштита од корозија за време на транспорт и складиранје за целокупниот производен програм.
